पोलीस दलात १२ हजार पदांची भरती त्वरित सुरु करण्याचे गृहमंत्र्यांचे आदेश

राज्यातील विविध पोलीस दलाच्या आस्थापनेवरील रिक्त असलेल्या पदांपैकी दहा हजारच नव्हे तर तब्बल १२ हजार ५३८ पदे भरण्याची प्रक्रिया तातडीने सुरु करून डिसेंबर पर्यंत पूर्ण करावीत, असे आदेशच गृहमंत्री अनिल देशमुख यांनी गृहविभागाला दिले असल्याने राज्यात येत्या काही दिवसांत पोलीस भरती प्रक्रियेला सुरुवात होण्याची शक्यता आहे.

राज्याचे गृहमंत्री अनिल देशमुख यांनी आज गृहविभागाच्या अधिकाऱ्यांसोबत मंत्रालयात एक महत्त्वाची बैठक घेतली. सदरील बैठकीत पोलीस दलातील १२ हजार ५३८ विविध पदांच्या जागा तातडीने भरण्यासाठी प्रक्रिया तातडीने चालू करून सदरील भरती प्रक्रिया डिसेंबर महिन्याच्या अखेरपर्यंत पूर्ण करण्याचे आदेशही त्यांनी प्रशासनाला दिले आहेत. या बैठकीला गृहविभागाचे मुख्य सचिव सीताराम कुंटे, अपर मुख्य सचिव डॉ. संजय चहांदे, अर्थ विभागाचे प्रधान सचिव नितीन गद्रे, पोलीस महासंचालक सुबोध जयस्वाल, विशेष प्रधान सचिव अमिताभ गुप्ता आणि इतर प्रशासकीय अधिकारी उपस्थित होते.

संबंधित मेसेज पाहा